ទម្រង់ពហុបញ្ញាផ្នែកកាយសម្បទា Bodily- Kinesthetic

ជាអ្នកពូកែខាងកាយសម្បទា ពួកគេអាចប្រើកាយវិញ្ញាណបានយ៉ាងល្អ និងមានប្រសិទ្ធភាពដូចជាអ្នកវិចខ្ចប់ រុំ គ្រូពេទ្យវះកាត់ជាដើម។ អ្នកសិក្សាផ្នែកនេះ និងទទួលបានប្រយោជន៍ពីបទពិសោធន៍ខាងរាងកាយដូចជា ការប៉ះ ស្ទាប កាន់ ការហិតក្លិន និងបទពិសោធន៍ដែលបានមកពីការចូលរួមសកម្មភាពផ្សេងៗ។ ពួកគេអាចធ្វើបានយ៉ាងល្អខាងអត្តពលកម្មដូចជា៖

• ការលេងកីឡា
• ការទំនាក់ទំនងរវាងភ្នែក នឹងដៃ
• ការរាំរបាំ...

អ្នកសិក្សាដែលពូកែខាងកាយសម្បទា អាចមានការលំបាកក្នុងការផ្ចង់អារម្មណ៍នៅពេលរៀនហេតុដូច្នេះ ពួកគេអាចចាត់ទុកថាជាអ្នកដែលមានសកម្មភាពរស់រវើក គឹត្រូវធ្វើចលនា កាយវិការឱ្យបានច្រើនជាងការនិយាយ ធម្មតាៗ។

វិធីសាស្រ្តដ៏ល្អបំផុតនៅក្នុងការបង្រៀនពួកគេគឺ៖

• បញ្ចូលសកម្មភាពនៅក្នុងកម្មវិធីសិក្សាឱ្យបានច្រើន (ផ្នែករាងកាយ)
• ការសិក្សាត្រូវផ្សារភ្ជាប់នឹងការអនុវត្តន៍
• ត្រូវមានរ៉ូលផ្លេ (ការសម្តែងតួ)

អាជីពដែលស័ក្តិសមសម្រាប់មនុស្សដែលមានទម្រង់បញ្ញផ្នែកកាយសម្បទា

• យន្តការី
• គ្រូបង្រៀនផ្នែកអត្តពលកម្ម
• អ្នកវិភាគកីឡាយ កីឡាករ
• អ្នករបាំ
• នាដករ
• អ្នកម៉ាស្សា
• ជាងសំណង់
• អ្នកកាត់សក់
• គ្រូពេទ្យវះកាត់
• ទាហាន
• អ្នកពន្លក់អគ្គីភ័យ អ្នកបើកបរ អ្នកថែសួរ ចុងភៅ ជាងជួសជុល...

ប្រភព៖
ប្រភព៖ (www.businessballs.com)
សៀវភៅ ការផ្តល់ប្រឹក្សាអាជីព និងព័ត៌មានស្តីអំពីការសិក្សាជំនាញ របស់ក្រសួងអប់រំយុវជន និងកីឡា

ទម្រង់ពហុបញ្ញាផ្នែក តូរតន្រ្តី Musical

ជាមនុស្សដែលឆាប់ដឹងពីសម្លេងមនុស្សជុំវិញខ្លួន ពួកគេចូលចិត្តតន្រ្តីខុសៗគ្នា និងជ្រើសរើសស្តាប់ទៅតាមអារម្មណ៍ ជាញឹកញាប់ពួកគេចូលចិត្តច្រៀងតិចៗម្នាក់ឯង ឬច្រៀងតាមទំនុកចម្រៀងផ្សេងៗ ជួនការពួកគេអាចនិព័ន្ធ ទំនុកភ្លេងដោយខ្លួនឯង។ អ្នកសិក្សាផ្នែកតូរតន្រ្តីមានការចង់ចាំបានយ៉ាងលឿន យើងអាចបង្រៀពួកគេដោយប្តូរមេរៀនទៅជា

• កាព្យខ្លីៗ
• និយាយបែងចុងជូន និងចង្វាក់ភ្លេង
• ទះដៃលើកជើង ធ្វើកាយវិការដូចជាអ្នកសិល្បៈជាដើម...

ពួកគេអាចរៀនបានល្អតាមរយៈ

• ឧបករណ៍តន្រ្តី
• វិទ្យុ ទូរទស្សន៍ ការសែតម៉ាញ៉េនិង
• ពហុឯកសារព័ត៌មាន...

អាជីពដែលស័ក្តិសមសម្រាប់មនុស្សដែលមានទម្រង់បញ្ញផ្នែកតូរតន្រ្តី

• ជាតន្រ្តីករ
• សិល្បៈករ (អ្នកចម្រៀង អ្នកសម្តែង...)
• អ្នកនិព័ន្ធបទភ្លេង ចម្រៀង គ្រូបង្រៀងផ្នែកតន្ត្រី និងជាអ្នកបង្កើតវង់ភ្លេង
• ជាDJ អ្នករៀបចំការចាក់ផ្សាយវីដេអូ ភាពយន្ត និងកម្មវិធីកំសាន្តផ្សេងៗ

ប្រភព៖
ប្រភព៖ (www.businessballs.com)
សៀវភៅ ការផ្តល់ប្រឹក្សាអាជីព និងព័ត៌មានស្តីអំពីការសិក្សាជំនាញ របស់ក្រសួងអប់រំយុវជន និងកីឡា

ផ្នែកតក្ក និងគណិតវិទ្យា -Logical &Methematical

អ្នកពូកែខាងតក្ក និងលេខជាមនុស្សមានហេតុផលសមរម្យ និងមានការទំនាក់ទំនងល្អ។ បញ្ញានេះមានភាពពាក់ព័ន្ធនិងរបៀបគិតតាមបែបវិទ្យាសាស្រ្ត និងគណិតវិទ្យា ពួកគេមានគំនិតអភិរក្សនិយម ចូលចិត្តភាពស្អាត​និងសណ្តាប់ធ្លាប់ ហើយមានទំម្លាប់គិតទុក និងរៀបចំទុកមុននឹងធ្វើអ្វីមួយ។ ពួកគេពិចារណានូវហេតុ និងផលមុនពេលធ្វើការសម្រេចចិត្ត។ អ្នកសិក្សាបែបតក្កចូលចិត្តសួរសំណួរច្រើន ហើយក៏ជាអ្នកពូកែបកស្រាយចម្ងល់ផងដែរ។ ពួកគេជាទូទៅរៀនសូត្រតាមរយៈ ៖

• ហ្គេមតក្ក
• ការស៊ើបអង្កេត និង
• ការរាវរកអាថ៌កំបាំង...

មនុស្សប្រភេទតក្កត្រូវការការរៀនតាមបែប

• ការបង្កើតគំនិតថ្មី
• ការចោទសំណួរ និងការដោះស្រាយបញ្ហា
• ការជជែកវែកញែកជាក្រុម...

អាជីពដែលស័ក្តិសមសម្រាប់មនុស្សដែលមានទម្រង់បញ្ញផ្នែតក្គ និងគណិតវិទ្យា

• គណនេយ្យករ
• អ្នកគ្រប់គ្រងស្ថិតិ
• ប៉ូលិសស៊ើបអង្កេត
• អាវកាសយានិក
• អ្នកស្រាវជ្រាវ
• អ្នកបង្កើតកម្មវិធីកុំព្យូទ័រ
• វិស្វករ
• ធនាគារិក អ្នកវិទ្យាសាស្រ្ត...

ប្រភព៖
(www.businessballs.com)
សៀវភៅ ការផ្តល់ប្រឹក្សាអាជីព និងព័ត៌មានស្តីអំពីការសិក្សាជំនាញ របស់ក្រសួងអប់រំយុវជន និងកីឡា

ផ្នែកភាសារ​ Lingistic

អ្នកសិក្សាដែលពូកែពាក្យពេចន៍ ជាទូទៅមានភាពរីកចម្រើនខាង និងជំនាញខាងការខាងស្តាប់។ អ្នកជំនាញភាសាប្រើពាក្យប្រកបដោយប្រសិទ្ធភាព ហើយច្រើនតែគិតអំពីពាក្យច្រើនជាងរូបភាព។ មនសុ្សជំនាញខាងភាសារ មានភាពស្ងប់ស្ងាត់ និងមានហេតុផលសមរម្យ។ មនុស្សប្រភេទនេះចូលចិត្តគិតច្រើន និងចូលចិត្តលេងផ្គុំរូប ពួកគេពូកែពិពណ៌នា និងពន្យល់នូវគំនិតដែលពិបាកយល់ឱ្យមានភាពសមញ្ញបាន។ គេចូលចិត្តអាន លេងហ្គេម និងប្រឌិតរឿង។ វិធីសាស្ត្រ និងសម្ភារៈឧបទេសសម្រាប់ក្រុមនេះរួមមាន៖

• ការអានសៀវភៅ (អានម្នាក់ឯង ឬជុំគ្នា)
• ការពិភាក្សា និងអធិប្បាយ
• ការប្រើប្រាស់កុំព្យូទ័រ
​​​​
• ការលេងហ្គេម ការសួរព័ត៌មាន និងការបង្រៀន...

អាជីពដែលស័ក្តិសមសម្រាប់មនុស្សដែលមានទម្រង់បញ្ញផ្នែកភាសា

• អ្នកសារព័ត៌មាន
• បណ្ណារក្ស
• អ្នកអត្ថាធិប្បាយកម្មវិធី (វិទ្យុ ទូរទស្សន៍...)
• បុគ្គលិកផ្នែករដ្ឋបាល
• អ្នកប្រឹក្សាយោបល់
• មេធាវី
• កវីនិពន្ធ
• អ្នកបកប្រែភាសា
• អ្នកធ្វើបទបង្ហាញ (វិទ្យុ ទូរទស្សន៍...)
• អ្នកសរសេរអត្ថបទផ្សាយពាណិជ្ជកម្ម
• អាជីវករ (អ្នកលក់ដូរ)
• គ្រូបង្រៀន...

ប្រភព៖ (www.businessballs.com)
សៀវភៅ ការផ្តល់ប្រឹក្សាអាជីព និងព័ត៌មានស្តីអំពីការសិក្សាជំនាញ របស់ក្រសួងអប់រំយុវជន និងកីឡា